旅協求生營

日期一改再改之下終於都去得成啦今次
我同betty被編入了不同的組內
我果組的成員包括derek,阿峰(定係鋒?),阿邦,曾少,Rachel同埋我
組爸係肥仔,組媽係Chesna同Kimsten
仲有計分人阿樹(唔係ppl)
行程係由石壁水塘至大澳

原來要揹住個背包行山(!!??)
簡介下d task先
task 1:運兩枝6L的水
task 2:尋找卡仔,睇下晚上果餐分到d咩食(同隔離組競技的)
task 3:鬥快去晚餐的沙灘
task 4:製作孔明燈
task 5:製作木伐
task 6:鬥快去午餐的地點
task 7:製作擔架
呢兩日我的運動量應該係全年的總和...
山路真係很難行
特別係上斜的
石路也要行得很小心
我不止一次行到有放棄的念頭
但,多得group 2各成員的支持
總算是捱過來了
多謝各位有幫助過我的人=)

task 1冇乜特別野發生過,但作為第一part,總算對個camp有初步體力上的體會...
行到落狗嶺涌個沙灘就開始我地既lunch啦
因為係第一日第一餐的關係
好多雪左冰的飲品雜果仲凍緊
食落真係好正
食完就開始task 2了

task 2 group 1,2將所有食物物資gather埋一齊
然後要在狗嶺涌個campsite內找出寫了食物物資的紙牌仔
即係搵得越多牌,夜晚同第二朝果餐就會過得好好多
結果兩組都好努力咁搵
最難頂都係響沙灘搵果時兜頭暴曬
點都好,我果組搵埋搵埋唔少牌
但就拎多唔少野向下一個地方進發...
......點解我個袋會多左六條粟米架?!...好重...

task 3係鬥快去分流西灘
但由狗嶺涌上返分流果段路真係最難捱的
上斜加石路
我停左好多次先上到去
嚴重拖慢了進度真係勁唔好意思
亦驚動了betty來問候我,冇嚇親你嘛...
其實只係我體能差...
之後落分流西灘段路易行好多
而且風景又幾優美
搞到肥仔係咁stop我地叫我地影相~
到左之後起個營來遮陰
起完之後差唔多日落了
好靚的日落!!
完美的咸蛋黃呀!!
唔知點解我地組個組名變左"有奶媽果組"
仲有老豆,奶媽,大媽,二媽,三四五六七媽...(全都是committee人)(爆)
笑死~
開始入夜我地一齊用汽水罐整酒精爐
係for cooking用的~
夜晚果餐由阿峰同大廚R負責
我負責切茄子同薯仔
今餐仲有龍利魚,金菇,飯,雞翼食
調味方面好精彩
經大廚R調味的完全係咸到...哈哈...
都係唔講啦,佢即日都因為咁而收到唔少意見
dinner之後就到task 4了

task 4係整孔明燈
隔離組好似點火之後成架野燒著左
我地組好勁
點完火之後又升唔到又燒唔著
最後係用人手ko左佢既
pack晒野就出發上煎魚灣營地啦
順帶一題,入夜後在沙灘觀星真係一流的
滿天都是數之不盡的星星
好靚
而望過對面海就已經係澳門了
上到營地紮到營地後就成group人圍埋傾左陣計
聽左大家講既野有一刻感動到想喊
之後見Chesna累到hup著左
終於都決定去訓了
此時已經係半夜兩點...
我嘛...同前兩日一樣...訓唔著...
因為訓最外的位置,所以我打側身就可以看到天空了
看星星看月亮都唔錯
而夜晚在山頂的位置真係幾涼的
好舒服
之後仲睇住個天光tim

第二朝九點起身
其實我一早醒左了
同Ling,Kimsten傾左陣
你地真係好人到不得了
不得不提,在野外係沒有toilet的
大家唯有好原始咁就地......哈哈...
當然事前要搵適當既位置啦
早餐前我呆左好耐
可能係俾太陽曬親啦...
今餐有蛋,蕃薯,腸仔,粟米,朱古力飲料食
之後就出發去雞翼角對面個煎魚灣沙灘進行task 5了
呢個task係製木伐整完要浮到人先算成功
我地組浮到四個人咋
隔離組就七個...
連Rachel姐都話隔離組個女仔(指betty)變態架,咁訓身濕晒身都肯
我響個心係笑死左XD

task 6係鬥快去到牙鷹角
呢段路真係非常人可以想像得到的難行
路兩旁的樹木不段插過來
石路好易叉錯腳
竟然仲有泥路
再加上有些位置係完全沒有風的
仲有長期的暴曬
行得完呢段路我都覺得好神奇
不過曾少俾蜜蜂襲擊呀,好慘
今餐lunch完全熱到累到冇胃口食...
但都要食架啦

食完lunch就落最後一個task了
製作擔架運袋去牙鷹角campsite
我地仲差d激親Kimsten tim...
好彩最後都冇事
沿路真係好多蜘蛛呢...
到左之後計總分
輸左俾group 1
不過都冇所謂啦
我地組有幾hea大家都心知
哈哈...
最後行番出大澳就同betty搭車走lu~
累到變左兩個怨婦狂話自己周身痛XD

總括而言,個camp雖然真係勁辛苦
但真係一個好好既經歷
原本認定不可能會做到的事最終都是完成了
真的很有滿足感
而且也賺了一路上優美的景色
仲有大家的支持
呢一切真係千金難求的
呢一世都唔會忘記呢兩日...