You may say...I'm a dreamer...

but I'm not the only one...

年輕人，不管你們是真明白或是為了什麼原因也好，也但願能夠看到你們以後也能保持著這份熱血。

看到了hocc的這句話,又引不住要rerererererere-quote她之前的一篇blog上來=)
這篇blog我好像已quote了不下十數次
我不得不承認菇的思想對我的影響的確很深遠
夢想...是應該要緊守,是應該要堅持的...

u may say....i'm a dreamer......
我既一生，似乎就係建立於一個又一個夢想裡面。

小時候，因為鍾愛啊姐，
瘋狂熱愛拒既一切，
幻想可以認識拒，成為拒徒弟，
就憑住一份傻勁，一份堅持，
結果改變左自己一生。

做左歌手，好多野睇唔過眼，
好多野唔認同，相信終有一日能夠用自己既方法打破一d野
結果雖然因為呢份執著
令到自己行左一條最難行既路
但總叫比我追得到，
而且證明到呢個世界唔係只得一同二，
重可以有三四五六七。
過程痛快，無怨無悔。

後來, 做梁祝，係因為一份愛。
因為我頑強地相信愛。
我相信愛能夠衝破一切，
我相信地久天長依然存在於世上。
可能生於呢一個年代，
呢一種想法已經太唔合時，
但就係呢一份信念，帶比我好多好多，

活於呢個社會，
有夢想既人，往往會比人覺得太傻，太瘋顛。
會有人睇唔過眼
會有人想刻意打敗你
會有人話比你知你甘諗係錯
會有人話你知呢個世界其實係殘酷既
但呢d都只不過因為呢一d人
拒地永遠都無呢一個福份，感受到夢想同信念既寶貴，
拒地一世都唔會明白，
而因為唔明白，所以要令所有曾經擁有夢想既人都同拒地一樣
變得要接受現實既刻板同平凡。

無錯，面對呢一切，
要堅持自己係好難，
要打破一d既定既模式更難，
但就因為難，所以先會令我地有所成長，
先會令你日後可以飛得更高更遠，
先可以比自己睇到遠方既彩虹。

所以，千祈唔可以因為甘樣而令自己洩氣
真架，失去任何野都唔緊要，
身邊一切都會隨住歲月離我地而去
唯有心中o個團火，
o個份信念，o個份愛，
永遠會陪住我地。
千萬千萬唔可以比拒溜走。
在我黎講，沒有夢想，等同於沒有了靈魂，
我，好險，差一點點.....好在，響最後關頭將拒捉返住。
過去暫且成定局，不必再難堪，唯有向前看。重拾一切。
慢慢來，
請加油。
(From Goo's blog 2006/08/02 15:12:51)

各位戰友
雖然我們現在暫時敗了一仗
但我相信這只是個開始
未來還有很多的仗要打
所以大家千萬不要洩氣
終有一天我們會得勝的