寫20個"其實"

寫20個"其實..."關於自己既秘密,習慣,事情,希望...
總之要同你有關既。
然後tag多20個人,
一定一定要tag返tag你條友;
我tag你就即係我想認識你更深...

1, 其實,我覺得我人生真係唔可以無左音樂,我真係太愛聽歌唱歌睇concert

2, 其實,我開始質疑我對利物浦的熱情...我已經好耐無睇波啦...

3, 其實,我好懷念八九十年代的日子,感覺這世界越來越瘋癲,新不如舊

4, 其實,我有好多地方都好想去,希望我可以盡快重拾我的興趣,我仲有好多相未影

5, 其實,我份人真係好簡單,請也用簡單直接的心態來與我相處,我轉數真係唔多高的,請勿太過轉彎抹角

6, 其實,我覺得呢個世界仲有美好的事情的,請抓緊心中的那一團火

7, 其實,我對那件事是有點在意的,我想這也是人之常情吧,但是我會努力裝出了笑臉,然後努力去解開這心結的,請相信我可以做得到,我需要的是時間...只要妳快樂便夠了

8, 其實,我真係唔恨食貴野住大屋,我好相信如果我有一日發左達,我都唔會一朝得志語無倫次的,我喜歡過踏實的生活

9, 其實,我真係一個好重感情既人,好多野都唔需要講代價的,只要我覺得係值得既,我都會做

10, 其實,我真係好想可以快d搵到自己既另一半...到底呢個人幾時先會出現架...

11, 其實,我到而家都唔明點解我會揀左理科黎讀...不過我知道我更加唔適合讀商科,我既business sense係零

12, 其實,我真係唔明點解一路上可以遇到咁多好人,我真係非常非常的感激的

13, 其實,我真係好想學結他,可惜一直都的唔起心肝去學sosad

14, 其實,我oral真係好差,時至今日,好多時我講野都係詞不達意的

15, 其實,我真係適合做一個執行者,遠多於做一個領導者,更加唔好期望我可以做到一d創新既野

16, 其實,有時真係好嬲,好多terms俾傳媒大力渲染後,本身中性的東西都變成了負面的東西,不然就是誤導觀眾,令他們無法認清事物的真相...

17, 其實,我想我真是來自火星的,我唔追名牌唔追潮流唔跟風,彷彿活在自己的世界當中

18, 其實,我真係自閉的

19, 其實,我真係好需要好好的靜下來休息一下

20, 其實,我只係想往後既日子都可以懷著一顆赤子之心去面對世事,不要做一個"上鍊也沒心跳"的人,也要警惕自己不可有害人的心